Hvar finn ég uppgjör fyrir sölur?

 

  1. Í sölugáttinni undir Uppgjör sem er efst á síðunni hægra megin er hægt að skoða færslur sem hafa verið gerðar upp.
  2. Hægt er að leita að tilteknum færslum, til dæmis eftir dagsetningu eða kennitölu.
  3. Hægt er að taka út gögnin í Excel til að vinna með frekar.

Hvernig skrái ég sölu?

Í sölugáttinni getur þú handskráð sölu ef viðskiptavinurinn er á staðnum hjá þér.

 

Mynd af viðmótinu

 

Söluupplýsingar

 

  1. Undir valmyndinni efst hægra megin á skjánum skal velja Sölur > Skrá nýja sölu.
  2. Fylltu út kennitölu greiðanda. Ef viðkomandi er þegar notandi að Pei, ættu nafn, netfang og farsími að birtast en að öðrum kosti þarfa að fylla út þær upplýsingar.
  3. Skráðu upplýsingar um söluna, vöruheiti, magn og einingaverð.
  4. Hægt er að skrá upplýsingar um fleiri en eina vöru með því að velja „Bæta við sölu“ hnappinn.
  5. Veldu svo hnappinn „Áfram í greiðslumáta“.

 

Mynd af viðmótinu

 

Greiðslumáti

 

  1. Hér er hægt að velja fjölda gjalddaga ef viðskiptavinur óskar eftir því. Ef greiðslan er skilin eftir í einum gjalddaga þá getur viðskiptavinurinn dreift kaupunum sjálfur í Pei appinu eða á Pei.is allt að 14 dögum eftir að viðskiptin eiga sér stað. Ekki er hægt að skipta greiðslum fyrir upphæðir undir 20.000 kr. Greiðsluáætlunin ætti að birtast neðar á síðunni.
  2. Það eru þrjár leiðir til að staðfesta kaupinn

    a. Með PIN í gegnum SMS. Viðskiptavinur fær sent SMS í símann sinn með PIN númeri sem hann afhendir söluaðila til staðfestingar í viðmótinu.
     
    b. Undirrita með rafrænni staðfestingu. Gætið að því að viðskiptavinurinn sé með símann ólæstan áður en þessi leið er valinn.
     
    c. Kaupandi skrifar undir staðfestingu. Ef hinar tvær leiðirnar eru ekki í boði einhverra hluta vegna þá er hægt að prenta út lánasamninginn til undirritunnar. Gætið þess að haka við að viðkomandi hafi undirritað samningin og að geyma undirritaða eintakið.
  3. Þá ætti ekkert að vera eftir nema að velja hnappinn „Ganga frá sölu“. Bæði söluaðilinn og viðskiptavinur ættu að fá sendan tölvupóst með staðfestingu á að kaupin séu frágengin og söluaðili getur afhent viðskiptavin vöruna.

 


 

Express
 

Einnig er í boði að velja Express ferlið til að skrá sölu en það er einskonar flýtimeðferð. Sölur með Express eru eingreiðslur en viðskiptavinur getur dreift sjálfur eftir á í Pei appinu.

 

Mynd af Express viðmótinu

 

  1. Undir Sölur > Skrá sölu skaltu velja Express
  2. Sláðu inn kennitölu viðkomandi eða einkvæman 12 stafa barkóða sem viðskiptavinur sýnir þér í Pei appinu. Ef viðskiptavinur er þegar notandi að Pei munu upplýsingar um viðkomandi fyllast út sjálfkrafa..
  3. Þú skráir inn upplýsingar um upphæðina. Sjálfgefið vöruheiti er „Sala“ en hægt er að breyta því.
  4. Veldu „Staðfesta sölu“ og þá ætti viðkomandi að fá sms til að staðfesta söluna, eða ef barkóði var sleginn inn, staðfestist salan um leið.

Verðskrá innheimtu

Upphæð lægri en 3.000 kr.

 

  • Áminning 1.178 kr.
  • Fyrsta innheimtubréf 1.612 kr.
  • Símtal 682 kr.
  • Annað innheimtubréf 1.612 kr.
  • Þriðja innheimtubréf 1.612 kr.

 

Upphæð á bilinu 3.000 kr. – 10.499 kr.

 

  • Áminning 1.178 kr.
  • Fyrsta innheimtubréf 2.604 kr.
  • Símtal 682 kr.
  • Annað innheimtubréf 2.604 kr.
  • Þriðja innheimtubréf 2.604 kr.

 

Upphæð á bilinu 10.500 kr. – 84.999 kr.

 

  • Áminning 1.178 kr.
  • Fyrsta innheimtubréf 4.588 kr.
  • Símtal 682 kr.
  • Annað innheimtubréf 4.588 kr.
  • Þriðja innheimtubréf 4.588 kr.

 

Upphæð hærri en 85.000 kr.

 

  • Áminning 1.178 kr.
  • Fyrsta innheimtubréf 7.316 kr.
  • Símtal 682 kr.
  • Annað innheimtubréf 7.316 kr.
  • Þriðja innheimtubréf 7.316 kr.

 

Gildir frá 17. október 2019. Öll verð innifela virðisaukaskatt.

Ef þú lendir í vanskilum getur þú séð stöðu þeirra á Mínum síðum hjá Motus.

Hvað gerist ef ég get ekki borgað?

Ef þú greiðir ekki greiðsluseðlana þína af einhverjum sökum fara vanskilin í innheimtu hjá Motus. Það að mál fari í innheimtu er kostnaðarsamt og því hvetjum við þig til að forðast það. Innheimtuferli Pei er eftirfarandi:

 

  • Áminning er send 2 dögum eftir eindaga kröfu
  • Innheimtubréf 1 er sent 12 dögum eftir eindaga
  • Símtal
  • Innheimtubréf 2 er sent 22 dögum eftir eindaga
  • Innheimtubréf 3 er sent 32 dögum eftir eindaga

 

Kostnaður við innheimtu fer eftir upphæð kröfunnar. Sjá verðskrá Motus fyrir innheimtukostnað.

 

Ef þú lendir í vanskilum getur þú séð stöðu þeirra á Mínum síðum hjá Motus.

Hvernig get ég frestað greiðslu?

Þegar þú kaupir vöru með Pei færðu sjálfkrafa 14 daga greiðslufrest. Innan þessa 14 daga getur þú farið inná þjónustuvefinn eða appið og sótt um 30 eða 60 daga frest eða dreift greiðslunum í allt að 48 mánuði.

 

Ekki bíða of lengi með að fresta greiðslu, þar sem í einstaka tilvikum er um færri daga en 14 að ræða.

 

Þú getur fylgst með stöðunni þinni í Pei appinu sem má sækja í App Store eða Google Store.

Hvernig get ég dreift greiðslu?

Þegar þú hefur gengið frá kaupum með Pei færðu sjálfkrafa 14 daga greiðslufrest. Innan þessara 14 daga getur þú farið inn á þjónustuvefinn eða appið og dreift greiðslunum í allt að 48 mánuði.

 

Dreifing til 48 mánaða er aðeins í boði fyrir upphæðir á bilinu 1.000.000 – 2.000.000 kr. Ekki er hægt að dreifa greiðslum undir 20.000 kr.

Hvað kostar að nota Pei?

Verðskráin gildir frá 17. október 2019

Pei fresta í 14 daga

 

  • Fyrir upphæð lægri en 3.000 kr. er 90 kr. greiðslugjald
  • fyrir upphæð á bilinu 3.001-20.000 kr. er 120 kr. greiðslugjald
  • Fyrir upphæðin hærri en 20.001 kr. er 290 kr. greiðslugjald
  • Vextir eru 0%
  • Lántökugjald er 0%

 

Pei fresta í 30 daga
 

  • Fyrir upphæð lægri en 10.000 kr. er 190 kr. greiðslugjald
  • Fyrir upphæð hærri en 10.001 kr. er 380 kr.
  • Vextir eru 0%
  • Lántökugjald er 2,75%

 

Pei fresta í 60 daga
 

  • Fyrir upphæð lægri en 10.000 kr. er 190 kr. greiðslugjald
  • Fyrir upphæð hærri en 10.001 kr. er 380 kr. greiðslugjald
  • Vextir eru 0%
  • Lántökugjald er 4,75%

 

Dreifa

 

  • Fyrir upphæð að 49.999 kr. er 90 kr. greiðslugjald
  • Fyrir upphæð á bilinu 50.000-99.999.kr. er 190 kr.
  • Fyrir upphæð hærri en 100.000 kr. er 290 kr.
  • Ársvextir eru 12,9%
  • Lántökugjald er 3,95%
  • Afborgunargjald er 490 kr.

 

*Vextir og lántökugjald kunna að vera önnur en verðskráin segir til um – aldrei hærra en mögulega lægra.